«Сітуацыя складаецца сур'ёзная»: Паўднёвая Карэя адпраўляе ва Украіну дэлегацыю

Праз размяшчэнне войск КНДР у РФ.

На гэтым тыдні паўднёвакарэйская дэлегацыя наведае Украіну, каб падзяліцца інфармацыяй аб адпраўцы войск Паўночнай Карэі ў Расею і абмеркаваць супрацоўніцтва паміж Сеулам і Кіевам.

Пра гэта падчас тэлефоннай размовы з генеральным сакратаром НАТА Маркам Рутэ заявіў прэзідэнт Паўднёвай Карэі Юн Сок Ёль, паведамляе агенцтва Yonhap.

Са слоў лідара Паўднёвай Карэі, у аўторак дэлегацыя мае намер правесці брыфінг для Камітэта ЕЗ у палітыцы і бяспецы, а затым наведаць Украіну, каб сустрэцца з прадстаўнікамі выведкі і абароны, абмяняцца інфармацыяй з поля бою і абмеркаваць супрацоўніцтва.

Таксама паведамляецца, што Юн Сок Ёль правёў размову з прэзідэнткай Еўрапейскай камісіі Урсулай фон дэр Ляен, каб падзяліцца звесткамі аб перамяшчэнні войск КНДР і абмеркаваць супрацоўніцтва з ЕЗ.

«Сітуацыя складваецца сур'ёзная, бо фактычнае размяшчэнне паўночнакарэйскіх войск на лініі фронту ва Украіне можа адбыцца раней, чым чакалася», – заявіў Ёль.

Прэзідэнт Паўднёвай Карэі акцэнтаваў, што незаконнае ваеннае супрацоўніцтва паміж Расеяй і Паўночнай Карэяй падрывае міжнародны парадак і нясе пагрозу як на Карэйскім паўвостраве, так і ва ўсім свеце.

Юн Сок Ёль таксама ўдакладніў, што Паўднёвая Карэя будзе ўжываць паэтапныя захады ў залежнасці ад развіцця расейска-паўночнакарэйскага ваеннага супрацоўніцтва.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com