На Гомельшчыне паводле «палітычных» артыкулаў судзяць педагогаў

Настаўніцу ангельскай і намесніка дырэктара школы.

У двух раёнах Гомельскай вобласці пачаліся судовыя разборы супраць педагогаў па адміністрацыйным артыкуле аб «распаўсюджанні экстрэмізму», паведамляе «Гомельская Вясна». Пад удар рэпрэсій патрапілі настаўніца ангельскай мовы ў Рэчыцы і намеснік дырэктара школы ў Ельску.

Сёння, 29 кастрычніка, у Ельску будуць судзіць Пятра Міхайлавіча Патапенку, якога абвінавачваюць у распаўсюджванні, вырабе і захоўванні інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць (ч.2 арт.19.11 КоАП). Гэтыя звесткі цалкам супадаюць з інфармацыяй аб намесніку дырэктара сярэдняй школы №1 Ельска, зазначаюць праваабаронцы.

З іх звестак, 31 кастрычніка ў Рэчыцы таксама пройдзе суд над настаўніцай ангельскай мовы сярэдняй школы №4 Вольгай Валер'еўнай Герус паводле аналагічнага артыкула.

Праваабаронцы падкрэсліваюць, што такія абвінавачанні выстаўляюцца супраць звычайных грамадзян толькі за тое, што яны падпісаныя на чаты ці супольнасці, альтэрнатыўныя дзяржаўным СМІ, ці калі-небудзь рабілі перапосты ці ставілі падабайкі на матэрыялы з гэтых крыніц. Пры гэтым не мае значэння, да якой тэматыкі належыць той ці іншы матэрыял.

Варта адзначыць, што артыкул 19 Усеагульнай дэкларацыі правоў чалавека гарантуе кожнаму права на свабоду перакананняў і іх свабоднае выказванне, у тым ліку права шукаць, атрымліваць і распаўсюджваць інфармацыю і ідэі ўсякімі сродкамі, незалежна ад дзяржаўных межаў. Усе затрыманні і пераслед за ажыццяўленне гэтага права ўважаюцца за адвольныя і недапушчальныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com