Фінляндыя арыштавала пляж расейскіх дыпламатаў

Фінскі суд упершыню пастанавіў канфіскаваць замарожаныя расейскія актывы.

Улады Фінляндыі наклалі арышт на пляцоўку пляжа, які належыць расейскай дзяржаве і выкарыстоўваўся для адпачынку дыпламатаў. Пра гэта паведамляе тэлерадыёкампанія Yle.

Згодна з зямельным кадастрам, гэты надзел у Хегесбіле на поўдні Фінляндыі ўключае ў сябе 17 гектараў зямлі і тры з паловай гектары марскіх акваторый. Судовы прыстаў наклаў арышт на яго 24 кастрычніка, гаворыцца ў паведамленні.

Напярэдадні стала вядома, што ў Фінляндыі накладзены арышт на дзялянку зямлі Расейскага цэнтра навукі і культуры на пазоў украінскай кампаніі «Нафтагаз». Фінскія ўлады арыштавалі будынак цэнтра і дзялянку плошчай больш за тры тысячы квадратных метраў на падставе пастановы, вынесенай Міжнародным арбітражным судом у Гаазе ў красавіку 2023 года.

Паводле звестак газеты Helsingin Sanomat, акрамя Расейскага цэнтра навукі і культуры фінская дзяржава канфіскавала ў Хельсінкі і на Аландскіх выспах прынамсі чатыры іншыя аб'екты нерухомасці, якія належаць расейцам, у тым ліку жылы дом.

Такім чынам, фінскі суд упершыню пастанавіў канфіскаваць замарожаныя расейскія актывы, адзначае Helsingin Sanomat.

«Нафтагаз» падаў пазоў на пяць мільярдаў даляраў да Расеі за страты і страчаную кампаніяй маёмасць у анэксаваным Крыме летам мінулага года. Падставай для пазову стала пастанова арбітражнага суда ў Гаазе. Ён абавязаў Маскву выплаціць украінскай кампаніі кампенсацыю, сума якой павінна адпавядаць рынкаваму кошту актываў «Нафтагаза» ў Крыме.

Крэмль раней заяўляў, што вывучыць пастанову гаажскага суда. У 2019 годзе расейскае Мінюстыцыі заявіла, што Масква не прызнае юрысдыкцыю арбітражу ў Гаазе ў пытанні кампенсацыі «Нафтагазу».

Амбасада Расеі ў Фінляндыі напярэдадні заявіла, што расейскія ўлады не атрымлівалі афіцыйных апавяшчэнняў ад фінскіх уладаў наконт арышту расейскай уласнасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com