У цэнтры Менска прадаецца дызайнерскі рэстаран

У суседстве з Генпракуратурай.

У Менску прадаюць дызайнерскі рэстаран «Брыёш буфет» на вуліцы Інтэрнацыянальнай. Пра гэта каманда ўстановы паведаміла на сваёй старонцы ў Instagram, заўважыў CityDog. Што стала прычынай – невядома.

Рэстаран-кандытарская на Інтэрнацыянальнай, 20а размешчаны на першым паверсе бізнэс-цэнтра Liberty Residence. Пасадачных месцаў – 30 унутры, яшчэ летняя тэраса, якая змяшчае 25 чалавек.

У аб'яве аб продажы Brioche Buffet каманда звяртае ўвагу, што ва ўстанове выкананы якасны дызайнерскі рамонт. Яшчэ з пераваг названыя: доўгатэрміновая дамова арэнды і асобная паркоўка для гасцей.

Французскае бістро са сняданкамі Brioche Buffet з'явілася ў цэнтры Менска ўсяго чатыры гады таму, піша выданне. Установа адкрылася ў 2020 годзе ў бізнэс-цэнтры Liberty Residence, які яшчэ будуецца.

На суседнім адрасе, вуліца Інтэрнацыянальная, 22, размяшчаецца Генпракуратура Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com