МЗС Польшчы падтрымала перадачу дакументаў аб злачынствах Лукашэнкі ў Гаагу

Дакументы ў МКС перадала Літва.

Міністэрства замежных спраў Польшчы падтрымлівае зварот Літвы ў Міжнародны крымінальны суд у дачыненні да Лукашэнкі. Пра гэта заявіў у сераду прэс-сакратар польскага замежнапалітычнага ведамства Павел Вроньскі ў каментары "Белсату".

«Зварот літоўскага ўрада ў Міжнародны крымінальны суд і вывучэнне пракурорам Міжнароднага крымінальнага суда сітуацыі ў Рэспубліцы Беларусь на прадмет магчымых злачынстваў супраць чалавечнасці можа стаць важным крокам для забеспячэння адказнасці прадстаўнікоў рэжыму Аляксандра Лукашэнкі з траўня 2020 года.

Мы згодныя з тым, што ёсць абгрунтаваныя падставы меркаваць, што рэжым Лукашэнкі мог учыніць злачынствы, вызначаныя ў Статуце Міжнароднага крымінальнага суда. Міністэрства замежных спраў разам з іншымі кампетэнтнымі органамі аналізавала гэтае пытанне, і гэты працэс будзе працягвацца. Мы з цікавасцю пазнаёмімся з аргументацыяй літоўскай стараны, што азначае поўную падтрымку літоўскага звароту Міністэрствам замежных спраў Польшчы», - сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com