В'етнам заявіў аб жорсткім нападзе Кітая на яго судна

Атака адбылася ў спрэчных водах Паўднёва-Кітайскага мора.

В'етнам абвінаваціў кітайскія праваахоўныя органы ў "жорсткім" нападзе на в'етнамскае рыбалоўнае судна ў нядзелю ў спрэчных водах Паўднёва-Кітайскага мора. Паводле звестак В'етнама, жыцці чальцоў экіпажа былі пад пагрозай.

Пра гэта паведамляе Bloomberg.

У выніку меркаванага нападу, паводле звестак в'етнамскай дзяржаўнай газеты Tien Phong, пацярпелі 10 чальцоў экіпажа, трое з якіх атрымалі пераломы.

Міністэрства замежных спраў Кітая, не спасылаючыся на інцыдэнт, заявіла ў аўторак, што в'етнамскія судны незаконна вялі лоўлю рыбы ў водах Парасельскіх астравоў без дазволу Кітая, і кітайскія ўлады прынялі меры, каб спыніць іх.

Са звестак Tien Phong, кітайцы захапілі блізу чатырох тон морапрадуктаў, а таксама разбілі і канфіскавалі абсталяванне з судна. Страты ацэньваюцца на 20 220 долараў.

"В'етнам вельмі занепакоены, абураны і рашуча выступае супраць жорсткіх паводзін кітайскіх праваахоўных органаў у дачыненні да в'етнамскіх рыбакоў і рыбалоўных суднаў, якія працуюць на Парасельскім архіпелагу В'етнама", – заявіў прадстаўнік Міністэрства замежных спраў Фам Тху Ханг.

В'етнам выказаў пратэст наконт інцыдэнту ў ходзе перагавораў з пасольствам Кітая ў Ханоі. Міністэрства запатрабавала ад Кітая "цалкам паважаць суверэнітэт В'етнама над Парасельскім архіпелагам, неадкладна правесці расследаванне і паведаміць В'етнаму аб выніках, а таксама не паўтараць падобныя дзеянні".

У В'етнама даўняя тэрытарыяльная спрэчка ў Паўднёва-Кітайскім моры з Кітаем, які прэтэндуе на большую частку гэтага раёна як на сваю тэрыторыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com