Беларускіх школьнікаў вучаць на аператараў дронаў

Пад выглядам «моднага спорту».

Аператараў дронаў пачалі навучаць у Беларусі на базе ДТСААФ - гэта пераемнік савецкай абаронна-спартыўнай арганізацыі. У асноўным, таварыства займалася арганізацыяй аўташкол, навучаючы кіроўцаў, у тым ліку, для Узброеных сіл. А цяпер - і аператараў беспілотнікаў. Новы кірунак названы «секцыямі дрон-рэйсінгу», піша «Флагшток».

Як гэта адбываецца ў Мазыры, паказала газета райвыканкаму. Гэты горад стаў першым у Гомельскай вобласці, дзе адкрылі такую секцыю. Набралі туды школьнікаў - паведамляецца, што навучэнцаў старэйшых класаў пазнаёмяць з прыладай дронам і навучаць ім кіраваць, плануецца, што найлепшыя вучні прымуць удзел у спаборніцтвах па дрон-рэйсінгу.

Новы кірунак пададзены як развіццё моднага спорту, але ў публікацыі згадваецца і пра тое, што «акрамя спартыўнага складніка, развіццё дрон-рэйсінгу дазволіць падрыхтаваць будучых аператараў беспілотных лятальных апаратаў як для Узброеных Сіл, так і для іншых сфер жыццядзейнасці».

Пры гэтым непаўналетніх удзельнікаў секцыі ў Мазыры адзелі ў камуфляжную форму. Адзін з выхаванцаў на адным фота прысутнічае з патчам на правай руцэ, на наступным фота школьнік ужо без яго. Верагодна, школьніка папрасілі зняць правакацыйнаю расейскую вайсковую сімволіку.

Мэту такіх секцый агучыў у верасні старшыня цэнтральнай рады ДТСААФ Беларусі генерал-маёр Андрэй Некрашэвіч. Паводле ягоных слоў, «многія задачы ў плане падрыхтоўкі моладзі да службы ў арміі ў ДТСААФ ажыццяўляюць праз дзіцяча-юнацкі спорт«, і ўжо да моманту набору хлопцы маюць практычны досвед.

«З нашых разлікаў, да 2026 года мы зможам поўнасцю забяспечыць сілавыя структуры аператарамі дронаў».

А на пачатку года гэты ж генерал паведамляў аб тым, што ў Беларусі з'явіцца 10 секцый у навучанні дрон-рэйсінгу на базе ДТСААФ, каб падрыхтаваць будучых аператараў БПЛА «для Узброеных Сіл і іншых арганізацый». У наступным годзе ў кожнай вобласці з'явіцца яшчэ па два аддзяленні дрон-рэйсінгу.

«Такім чынам, мы зможам базава рыхтаваць блізу тысячы аператараў штогод. Гэта адказвае нашай галоўнай задачы - спрыянню войску», - заяўляў генерал.

У Мазыры на адкрыццё секцыі прыйшла цэлая дэлегацыя чыноўнікаў разам з праваслаўным святаром.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com