У менскай школе зафарбавалі выявы Купалы, Скарыны і Гусоўскага

Замест іх зараз проста жоўтыя сцены.

У сталічнай школе зафарбавалі выявы на нацыянальную тэму. Не стала Купалы, Скарыны і Гусоўскага. Замест іх у сярэдняй школы №173 Менска зараз проста жоўтыя сцены.

Пра гэта паведамляе тэлеграм-канал «Спадчына».

Школа ў Заводскім раёне была пабудаваная ў 1987 годзе. Тады ж усярэдзіне была створаная серыя смелых для таго часу графіці, якія адлюстроўвалі сюжэты на тэмы нацыянальнай культуры і гісторыі.

На выявах можна ўбачыць сюжэты з паэмы «Курган» Янкі Купалы і «Песні пра зубра» Міколы Гусоўскага, партрэтныя выявы самога Гусоўскага і першадрукара Францішка Скарыны і іншыя.

Усе яны былі зафарбаваныя ў снежні 2023 года, калі ў школе пачалі пазапланавы рамонт, прычым у сярэдзіне навучальнага года. Гэта адбылося нягледзячы на тое, што ўлетку таго ж года праводзіўся ўжо планавы рамонт.

Былыя навучэнцы школы спадзяюцца, што выявы проста зафарбаваныя і пасля іх можна будзе аднавіць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com