СМІ: Расейскі алігарх Гуцэрыеў хацеў здаць Лукашэнку ФБР

У абмен на зняцце санкцый.

Чэшскія выданні Denik N і Respekt са спасылкай на закрытыя дакументы чэшскай паліцыі і спецслужбаў высветлілі, што расейскі мільярдэр Міхаіл Гуцырыеў у 2022 годзе спрабаваў прадаць сакрэты Лукашэнкі і Пуціна Федэральнаму бюро расследаванняў (ФБР) ЗША ў абмен на зняцце заходніх санкцый з сябе і свайго бізнэсу.

Пасрэднікам у таемных перамовах выступалі чэшскія спецслужбы і падвойны агент з Грузіі, які ўладкаваўся ў Нацыянальны цэнтр барацьбы з арганізаванай злачыннасцю ў Празе (NCOZ) і зараз знаходзіцца пад следствам.

Як паведамляюць чэшскія выданні, спецслужбіст з Грузіі (называюцца толькі яго ініцыялы - Л. Г.) дапамог Гуцэрыеву двойчы сустрэцца з прадстаўнікамі ФБР пасля пачатку расейскага ўварвання ва Украіну. Алігарх прапаноўваў амерыканцам інфармацыю пра планы Уладзіміра Пуціна і Аляксандра Лукашэнкі і прасіў у адказ зняць з яго заходнія санкцыі. Угода ў выніку не адбылася і санкцыі з мільярдэра так і не знялі.

Расейскі алігарх Міхаіл Гуцырыеў 21 чэрвеня 2021 года патрапіў пад санкцыі ЕЗ супраць Беларусі, уведзеныя ў тым ліку ў сувязі з вымушанай пасадкай рэйса Ryanair у Менску. Рада ЕЗ растлумачыла ўвядзенне санкцый супраць расейскага бізнэсоўца тым, што ён даўні сябар Лукашэнкі і дзякуючы гэтаму мае ўплыў на палітычныя эліты Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com