У Літве працаўнікам «сакрэтных арганізацый» забаранілі ўезд у Беларусь

Сейм Літвы прыняў папраўкі да закону аб дзяржаўнай і службовай таямніцы.

У Літве забаранілі работнікам некаторых устаноў і сябрам Саюза стралкоў, якія маюць доступ да сакрэтнай інфармацыі, выязджаць у «недружалюбныя» краіны. Пра гэта ў чацвер, 3 кастрычніка, паведамляе літоўскі вяшчальнік LRT.

Дарэчы, літоўскі Сейм прыняў папраўкі да закона аб дзяржаўнай і службовай таямніцы 80 галасамі за.

Міністр абароны Літвы Лаўрынас Кашчунас заяўляў, што папраўкі да закона павінны абмежаваць паездкі супрацоўнікаў «сакрэтных арганізацый» у краіны, дзе іх прысутнасць можа пагражаць нацыянальнай бяспецы Літвы.

Урад краіны будзе вызначаць краіны са спісу забароненых на ўезд на аснове «рызыкі для нацыянальнай бяспекі».

У Мінабароны Літвы заявілі, што забарона распаўсюдзіцца на Расею, Беларусь і Кітай. У гэтыя краіны ўжо забароненыя паездкі для літоўскіх вайскоўцаў і чыноўнікаў. Новая забарона, паводле ацэнак ведамства, закране амаль 56 тысяч чалавек, якія працуюць з сакрэтнай інфармацыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com