СМІ: Генерал КНДР прыбыў на фронт са «Штурмавым корпусам»

Гэты камандзір з'яўляецца набліжаным да Кім Чэн Ына.

КНДР накіравала ў Расею групу з 11–12 тысячаў вайскоўцаў разам з намеснікам кіраўніка генеральнага штаба Кім Ён Бокам. Гэты камандзір з'яўляецца набліжаным да Кім Чэн Ына, што падвышае ягоны статут у гэтай місіі, піша Defense Express.

Паводле звестак паўднёвакарэйскай выведкі, Кім Ён Бок будзе кіраваць аперацыяй паўночнакарэйскіх сілаў у вайне супраць Украіны. У мінулым ён камандаваў 11-м «штурмавым» корпусам, на аснове якога сфармаваныя войскі спецпрызначэння КНДР.

Аднак ягоны чын намесніка кіраўніка генштаба і званне генерал-палкоўніка могуць не зусім адпавядаць камандаванню 12-тысячным кантынгентам, што звычайна даручаецца афіцэрам ніжэйшага ўзроўню. Малаверагодна, што паўночнакарэйскім генералам дадуць фактычнае камандаванне, бо іх задача, верагодна, зводзіцца да таго, каб дзейнічаць як дапаможная сіла.

Defense Express адзначае, што асноўнай задачай Кім Ён Бока, магчыма, з'яўляецца атрыманне практычнага досведу ад расейскіх вайскоўцаў, што дасць магчымасць скарэктаваць стратэгіі Паўночнай Карэі ў супрацьстаянні з Паўднёвай Карэяй, палепшыць падрыхтоўку вайскоўцаў і ўкараніць новыя падыходы ў кіраванні войскамі.

Для Паўночнай Карэі гэта вельмі важны досвед, паколькі яе ўзброеныя сілы дзейнічаюць ва ўмовах міжнароднай ізаляцыі. Войскі КНДР могуць пераняць падыходы Расеі, сярод іншага масаванае ўжыванне артылерыі, абмежаванае механізаванне і тактыка бесперапынных нападаў шматлікімі сіламі.

Зрэшты, ёсць адзін ключавы элемент, якога КНДР пакуль не стае – дроны. Пхеньян, верагодна, разглядае магчымасць атрымання расейскіх тэхналогій у сферы выведных і ўдарных БПЛА для выкарыстання ў будучых аперацыях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com