FT: Украіна і Расея пачалі таемныя перамовы

Пра спыненне ўдараў па аб'ектах энэргетыкі.

Амерыканскае выданне The Financial Times паведаміла, што Украіна і Расея пачалі непублічныя перамовы пра спыненне ўзаемных удараў па аб'ектах энэргетыкі. У той самы час часткай умоваў можа быць вывад украінскіх войскаў з Курскай вобласці РФ.

На думку крыніцаў выдання, Уладзімір Пуцін наўрад ці пагодзіцца на ўгоду, пакуль украінскія войскі застаюцца на расейскай тэрыторыі ў Курскай вобласці. У сваю чаргу Кіеў імкнецца аднавіць перамовы пры пасярэдніцтве Катара, якія былі блізкія да дасягнення пагаднення ў жніўні.

The Financial Times паведаміла, што аперацыя УСУ пад кодавай назвай «Курск» вымусіла Маскву адмовіцца ад удзелу ў папярэднім раўндзе перамоваў у жніўні. Хоць тады бакі нават пачалі планаваць асабістую сустрэчу ў горадзе Доха.

Дыпламатычная ўгода была сарваная паспяховай і нечаканай атакай украінцаў на Курскую вобласць. «Вельмі папярэднія размовы пра магчымае аднаўленне перамоваў вядуцца. Цяпер ідуць перамовы пра энэргетычныя аб'екты», – расказаў дыпламат, інфармаваны пра перамовы.

Паводле словаў украінскага чыноўніка, у апошнія тыдні Масква і Кіеў ужо скарацілі частату нападаў на энэргетычную інфраструктуру адно аднаго ў рамках дамоўленасці, дасягнутай іх спецслужбамі. Тым часам Украіна плануе прадаўжаць наносіць удары па аб'ектах у Расеі, у тым ліку нафтаперапрацоўчых заводаў, каб чыніць ціск у ходзе перамоваў.

Паводле звестак The Financial Times, гэта не першы раз, калі Расея і Украіна дамаўляліся пра спыненне або скарачэнні колькасці ўдараў. Чатыры ўкраінскія чыноўнікі паведамілі выданню, што мінулай восенню Кіеў і Масква дасягнулі непублічнай дамовы не наносіць удары па энэргетычных аб'ектах адно аднаго. У выніку Расея той зімой устрымалася ад буйнамаштабных атак на ўкраінскую энэргетычную інфраструктуру.

Аднак ужо ў лютым узаемныя ўдары аднавіліся. Паводле звестак The Financial Times, у рамках украінскай ваеннай аперацыі, якая пачалася ў пачатку 2024 года, былі пашкоджаныя сама менш дзевяць з 32 найбуйнейшых нафтаперапрацоўчых заводаў Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com