«Лукашэнку выправяць у высылку ў Чыту»

Сітуацыя для яго безнадзейна страчаная.

Аляксандр Лукашэнка зноў зрабіў шэраг дзіўных заяваў, адзначыўшы, што нібыта няма доказаў, што ён дазваляў расейцам нападаць на Украіну з тэрыторыі ягонай дзяржавы.

Пра гэта «24 Каналу» расказаў палітолаг, сацыёлаг з Нямеччыны Ігар Эйдман, адзначыўшы, што дыктатар баіцца праз узмацненне ціску з боку Уладзіміра Пуціна.

Лукашэнка, на думку Эйдмана, ужо дасылаў шмат сігналаў Захаду. Маўляў, што Пуцін сам да яго прыйшоў, а ён тут ні пры чым. Зразумела, што ён надумаў строіць з сябе дурня.

Лукашэнка так сябе паводзіць, як патлумачыў палітолаг, бо вельмі баіцца ўзмацнення Пуціна і таго, што Расеі ўдасца дасягнуць нейкага посьпеху ва Украіне. Калі так адбудзецца, дык Беларусь будзе наступнай.

«У Пуціна ёсць ідэя-фікс – узнавіць СССР. Савецкі Саюз распаўся ў выніку нарады ў Белавежскай Пушчы, у якой удзельнічалі Барыс Ельцын, Леанід Краўчук і Станіслаў Шушкевіч. І Пуцін уважае за задачу свайго жыцця сабраць анты-Белавежскую Пушчу і аднавіць калі не СССР, то хоць бы Расейскі Саюз з самой Расеі, а таксама Украіны і Беларусі. У сутнасці стварыць новы варыянт расейскай імперыі», – адзначыў ён.

У той самы час Лукашэнку гэта не патрэбна, таму што ў яго зусім іншыя стратэгічныя мэты, а менавіта, каб Беларусь «даіла» Расею разам з Кітаем, каб Пуцін даваў яму грошы, дапамагаў з прапагандай і з галаварэзамі, якія заціскалі б любыя пратэсты.

Аднак пры гэтым Лукашэнка хоча, каб Пуцін не лез ва ўнутраную палітыку Беларусі і не далучаў яе да Расеі. Беларусь, як ён марыць, павінна быць «спадчынным каралеўствам» роду Лукашэнкі.

«Лукашэнка хоча перадаць “трон” свайму сыну – Коленьку. А Пуціну ён не патрэбны, яму важна паставіць у Беларусі нейкага расейскага генерал-губернатара», – адзначыў палітолаг.

Лукашэнку ж, дадаў ён, выправяць у «ганаровую высылку» ў Чыту, а ў найлепшым выпадку – у Падмаскоўе, да Віктара Януковіча.

Такая перспектыва дыктатара не задавальняе, і таму яму трэба тэрмінова дамаўляцца з Захадам, каб яго падтрымалі ў гэтай сітуацыі і каб ён мог зноў балансаваць паміж Расеяй і заходнім светам.

«Аднак сітуацыя для яго безнадзейна страчаная. Захад гэтак сама як з Пуціным, з Лукашэнкам ніякіх перамоваў весці не будзе і ні ў якія гульні з ім не будзе гуляць», – упэўнены Ігар Эйдман.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com