Пераможцы парламенцкіх выбараў у Літве выбралі новага кандыдата ў прэм'еры

На парламенцкіх выбарах перамогу атрымалі сацыял-дэмакраты.

Сацыял-дэмакратычная партыя Літвы, якая перамагла на нядаўніх парламенцкіх выбарах, у сераду, 30 кастрычніка, вызначылася з новым кандыдатам у прэм'ер-міністры пасля адмовы лідаркі партыі Віліі Блінкявічутэ.

Пра гэта паведамляе Delfi.

Пасля пасяджэння прэзідыума літоўскай Сацыял-дэмакратычнай партыі Блінкявічутэ пацвердзіла распаўсюджаную напярэдадні ў СМІ інфармацыю, што яна не зойме пасаду прэм'ер-міністаркі.

«Я не маю магчымасці выконваць абавязкі прэм'ер-міністаркі, беручы да ўвагі мой узрост і стан здароўя», – дадала яна.

Замест Блінкявічутэ кандыдатам сацыял-дэмакратаў на пасаду кіраўніка ўраду прапанавалі Гінтаўтаса Палуцкаса – чальца Сейма і былога лідара партыі. На прэс-канферэнцыі ён падзякаваў за выбар ягонай кандыдатуры.

«Я адчуваю вялікую адказнасць, якая кладзецца на плечы кандыдата, людзі чакаюць пастановаў, якія палепшаць іх жыццё», – дадаў Палуцкас.

Нагадаем, паводле вынікаў парламенцкіх выбараў у Літве Сацыял-дэмакратычная партыя, якая да гэтага часу знаходзілася ў апазіцыі, замацавала лідарства і будзе мець найбольшую колькасць мандатаў у Сейме – 52.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com