«Нават мышы і тараканы ў гэтай зале ведаюць, але не амбасадар Расеі»
3- 31.10.2024, 9:00
- 15,694
Прадстаўнік Украіны рэзка выступіў у ААН.
Учора позна ўвечар у Нью-Ёрку адбылося пасяджэнне Рады бяспекі ААН наконт прысутнасці на тэрыторыі РФ салдат з КНДР.
Сталы прадстаўнік РФ Небензя заявіў, нібыта паўночнакарэйскіх салдат у Расеі няма і ўсё гэта выдумкі Украіны і Захаду, паведамляе «Дыялог.UA».
Пасля гэтага слова ўзяў прадстаўнік Украіны Сяргей Кісліца, які паспрабаваў расплюшчыць вочы ўсяму свету на так званыя «чырвоныя лініі» Крамля.
«Расея не пераадольвае вашу лінію: яна ідзе па чырвонай дарожцы», - заявіў Кісліца. Больш за тое, гэта, хутчэй, не чырвоная дарожка, а рака крыві. Яна пацякла ў той момант, калі Расеі далі месца ў зале пасяджэнняў ААН.
Пасля гэтага Кісліца нагадаў РФ, што Украіне надаюць дапамогу краіны, якія не знаходзяцца пад міжнароднымі санкцыямі, а атрыманне дапамогі ад КНДР - не толькі парушэнне Статута ААН, але і ўсіх яго рэзалюцый.
Актыўнае ўцягванне войск Кіма ў расейска-ўкраінскую вайну - гэта дрэнная навіна для ўсяго свету. Рэжым Кіма не проста забяспечвае РФ сваімі салдатамі, але і мае доўгатэрміновыя мэты.
Кісліца не выключае, што Пхеньян запатрабуе ў Масквы перадавыя тэхналогіі, звязаныя з ядзернай зброяй.
Пасля гэтага Кісліца агучыў інфармацыю ад выведвальных службаў аб тым, што на палігоне Усходняй вайсковай акругі РФ вайсковую падрыхтоўку праходзіць да 12 тысяч паўночнакарэйскіх салдат.
Не выключана, што ўсе яны атрымаюць расейскае пасведчанне асобы, будуць апранутыя і абутыя ў вайсковую форму УС РФ і страляць з расейскай зброі.
З іх створаць «Спецыяльны бурацкі батальён», які будзе прыкватараваны да 11-й дэсантнай брыгады УС РФ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
