На мяжы з Беларуссю прайшла сустрэча кіраўнікоў МУС Польшчы і Нямеччыны

Закранулі тэму неабходнасці рэформы еўрапейскай сістэмы міграцыі.

Польшча робіць усё, каб мяжа з Беларуссю была бяспечнай і каб у ЕЗ не дайшло да вяртання ўнутраных межаў, - заявіў кіраўнік МУС Польшчы Томаш Семаняк.

Польшча робіць усё, каб яе мяжа з Беларуссю была бяспечнай і каб у Еўрапейскім Звязе не дайшло да вяртання ўнутраных межаў. Як паведамляе «Польскае радыё», пра гэта заявіў міністр унутраных спраў Польшчы Томаш Семаняк на супольнай канферэнцыі з кіраўніком МУС Нямеччыны.

Раней палітыкі азнаёміліся з захадамі бяспекі на польскім баку мяжы. Міністр Семаняк заявіў, што Польшча не пашкадуе сродкаў для гарантавання бяспекі мяжы з Беларуссю.

«Мы знаходзімся на адрэзку мадэрнізаванай загароды, прайсці праз яе не так проста, як на тых адцінках, якія яшчэ не мадэрнізаваныя. Мы робім усё, каб зрабіць мяжу герметычнай і бяспечнай, каб у ЕЗ не вярнуліся ўнутраныя межы. Мы вельмі спадзяемся, што кантроль, уведзены ўрадам Нямеччыны на сухаземнай мяжы з рознымі краінамі, апынецца часовым», - сказаў кіраўнік польскага МУС.

Кіраўніца Міністэрства ўнутраных спраў Нямеччыны Нэнсі Фезер, у сваю чаргу, запэўніла, што захады кантролю на нямецкіх межах маюць часовы характар.

«Памежны кантроль, які мы ўвялі 15 верасня, будзе скасаваны, але толькі тады, калі колькасць людзей, якія незаконна ўязджаюць у Нямеччыну, зменшыцца. Як толькі гэта стане магчымым, кантроль будзе скасаваны, гэта часовыя пастановы», - сказала Нэнсі Фезер.

Падчас сустрэчы на граніцы з Беларуссю кіраўнікі МУС Польшчы і Нямеччыны абмеркавалі, сярод іншага, супрацоўніцтва паміж польскімі і нямецкімі службамі і прыярытэты польскага старшынства ў Радзе ЕЗ. Яны таксама закранулі тэму неабходнасці рэформы еўрапейскай сістэмы міграцыі і надання прытулку і абмяняліся інфармацыяй аб знаходжанні ваенных бежанцаў з Украіны і неабходнай падтрымцы Еўразвязам тых краін, якія прынялі найбольшую іх колькасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com