У Менску зноў затрымалі Ніну Багінскую

Актывістка завязвала стужачку ля Чырвонага касцёла.

Вядомую грамадскую актывістку Ніну Багінскую затрымалі ўвечары 30 кастрычніка на плошчы Незалежнасці ў Менску. Пра гэта стала вядома тэлеканалу «Белсат» ад уласных крыніц.

Паводле звестак канала, затрыманне адбылося ў той момант, калі Багінская завязвала бел-чырвона-белую стужачку на дрэве каля закрытага Чырвонага касцёла ў Менску.

Паведамляецца, што ў Маскоўскім РУУС на 77-гадовую Багінскую склалі адміністрацыйны пратакол. Міліцыянты пратрымалі жанчыну ва ўправе больш за дзве гадзіны і адпусцілі да суда дадому.

Нагадаем, 30 кастрычніка «Белсат» паведамляў, што 19 кастрычніка ў Менску на вуліцы Казлова Ніна Багінская ішла з плакатам, на якім было напісана «БНФ». Менавіта ў гэты дзень 36 год таму быў створаны аргкамітэт арганізацыі.

Тады актывістку таксама затрымалі і адвезлі ў пастарунак, дзе завялі рукі за спіну і надзелі кайданкі. Яе пратрымалі тры гадзіны і адпусцілі да суда.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com