У Фінляндыі будуць судзіць расейскага вайсковага злачынцу

Ён – адзін з камандзіраў фашысцкай групы «Русіч».

Пракуратура Фінляндыі абвясціла афіцыйныя абвінавачанні расейцу Ваіславу Тордэну ў ваенных злачынствах, учыненых, як сцвярджаецца, ва Украіне ў 2014–2015 гадах. Пра гэта паведамляе фінскі грамадскі вяшчальнік Yle.

Тордэн, раней вядомы як Ян Пятроўскі, у мінулым быў адным з камандзіраў фашысцкай групы «Русіч», удзельнікі якой бралі ўдзел у баявых дзеяннях ва Украіне на баку тэрарыстаў, якія падтрымліваюцца Расеяй, а потым расейскага войска.

Тордэн цяпер знаходзіцца пад вартай у Фінляндыі, ягонай экстрадыцыі дамагалася Украіна, аднак Вярхоўны суд Фінляндыі раней адмовіў у запыце Кіева на экстрадыцыю.

Як пазначана ў паведамленні фінскай установы, намеснік генеральнага пракурора Юка Рапе прад'явіў Тордэну абвінавачанні ва ўчыненні ваеннага злачынства пры абцяжвальных абставінах і яшчэ чатырох ваенных злачынстваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com