Літоўская мытня не выпусціла з краіны 13 аўто, якія везлі ў Расею і Беларусь

Легкавушкі прыбылі ў порт Клайпеды.

Літоўская мытня затрымала 13 патрыманых аўтамабіляў, якія везлі ў Беларусь і Расею ў абыход міжнародных санкцый, паведамілі 31 кастрычніка ў прэс-службе ўстановы.

Легкавушкі прыбылі ў порт Клайпеды (Літва) з ЗША. Іх транспартаваннем займалася адна з літоўскіх кампаній. Агульны кошт затрыманага грузу склаў больш за 200 тысячаў еўраў.

Паводле версіі літоўскай мытні, супрацоўнікі фірмы наўмысна падалі лжывыя звесткі пра пакупнікоў і сапраўдных уладальнікаў аўтамабіляў.

«Такім чынам яны спрабавалі ўнікнуць кантролю і экспартаваць патрыманыя аўтамабілі з ЗША ў Расею і Беларусь, парушыўшы тым самым міжнародныя санкцыі і абмежаванні», – паведамілі ва ўстанове.

Паводле факту парушэння міжнародных санкцый і кантрабанды распачатае дасудовае расследаванне. Падазрэнні прад'яўлены двум супрацоўнікам фірмы-перавозніцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com