Раённым лякарням Гомельскай вобласці адмовілі ў акрэдытацыі ў хірургічным профілі

Адсутнічаюць кадры.

Міністэрства аховы здароўя адмовіла ў акрэдытацыі ў розных профілях некалькім раённым шпіталям, чатыры з іх – у Гомельскай вобласці, піша «Флагшток».

Выданне атрымала справаздачу Міністэрства аховы здароўя Беларусі за 2023 год і даведалася, што адмову ў акрэдытацыі ў профілі «Хірургія» атрымала Акцябрская цэнтральная раённая лякарня (ЦРЛ), таксама не акрэдытаванымі ў гэтым профілі заставаліся Ельская ЦРЛ, Лоеўская ЦРЛ і Кармянская ЦРЛ.

На сайтах Акцябрскай і Ельскай ЦРЛ у раздзеле «нашы аддзяленні» да гэтага часу няма хірургічных. У Лоеўскай і Кармянскай ЦРЛ хірургічныя аддзяленні значацца ў складзе стацыянараў.

На ўмовах ананімнасці крыніца ў сістэме Міністэрства аховы здароўя патлумачыла выданню, чаму маглі адмовіць у акрэдытацыі. Паводле яе словаў, асноўная прычына закрыцця аддзяленняў – адсутнасць кадраў (і лекараў, і медсясцёр).

Яшчэ адна магчымая прычына, але менш верагодная – гэта адсутнасць матэрыяльнай базы. Напрыклад, няма грошай на рамонт аперацыйных або ўладкаванне новых.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com