Змушка і Шымановіч зноў з медалямі Кубка свету ў плаванні

Беларускія плыўцы заваявалі срэбныя ўзнагароды.

Беларускія плыўцы на спаборніцтвах у 25-метровым басейне ў Сінгапуры сталі срэбнымі прызёрамі.

Шчаслівай для нараджэнкі Калінкавічаў зноў стала дыстанцыя 200 метраў брасам. У гэтай дысцыпліне Аліна Змушка станавілася другой на першым і другім этапах Кубка свету, якія цягам кастрычніка праходзілі ў Шанхаі (Кітай) і Інчхоне (Паўднёвая Карэя).

Прайшло менш за тыдзень, як галоўныя плыўцы свету перамясціліся ў недалёкі Сінгапур, і зноў Аліна паказала клас у сваім каронным відзе праграмы. Яна саступіла толькі амерыканцы Кейт Дуглас.

Такім чынам, у гэтым сезоне Змушка ўжо ўзяла чатыры срэбныя медалі і адну бронзу на сусветных кубкавых этапах. Прадоўжацца спаборніцтвы ў сінгапурскім басейне заўтра. Змушка выступіць яшчэ на дыстанцыі 100 метраў брасам.

Што тычыцца Іллі Шымановіча, то ён, які таксама спецыялізуецца на брасе, закрануў другі борцік у фінале стамятроўкі. Яго на 11 сотых апярэдзіў кітаец Хаян Цынь.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com