Трэці за дзень расейскі аэрапорт зачынілі праз дроны

На гэты раз ва Уфе.

Аэрапорт ва Уфе часова прыпыніў прыём і адпраўку авіярэйсаў, паведаміў афіцыйны прадстаўнік Расавіяцыі Арцём Караняка.

«Для гарантавання бяспекі палётаў цывільных паветраных судоў з 17:50 МСК, 31 кастрычніка, часовыя абмежаванні ўведзеныя на працу аэрапорта Уфа (код ICAO: UWUU). Паветраная гавань часова не прымае і не выпраўляе авіярэйсы», – напісаў ён у сваім тэлеграм-канале.

Паводле звестак інфармаванай крыніцы «РБК Уфа», стала вядома пра папярэджанне аб магчымым нападзе беспілотнікаў.

Кіраўнік Башкартастана Радый Хабіраў паведаміў, што тры ўкраінскія дроны атакавалі прадпрыемствы ПЭК рэгіёну.

«Прамысловыя прадпрыемствы башкірскага ПЭК зазналі напад трох варожых беспілотнікаў. Першы БПЛА ўпаў на тэрыторыі аднаго з прадпрыемстваў і прычыніў мінімальную шкоду ў выглядзе выбітага шкла ў аператарскай. Два іншыя ўпалі ў прамзоне. Ахвяраў і разбурэнняў няма», – напісаў ён у сваім тэлеграм-канале.

Таксама 31 кастрычніка прыём і адпраўку самалётаў спынялі самарскі аэрапорт Курумоч і саратаўскі аэрапорт Гагарын. Захады былі ўжытыя ў сувязі з папярэджаннем пра магчымы напад беспілотнікаў на рэгіён.

9 траўня дрон упершыню атакаваў адзін з найбуйнейшых у РФ нафтахімічных комплексаў «Газпрам нафтахім Салават» у Башкартастане. Тады дрон ударыў у нафтахімічны комплекс амаль за 1500 км ад мяжы з Украінай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com