Сабаленка шакавала Свёнтак, паказаўшы ёй нешта ў сваім тэлефоне

Беларуска і полька рыхтуюцца да выніковага турніру WTA.

Першая ракетка свету беларуска Арына Сабаленка паказала ў Эр-Рыядзе свой тэлефон польцы Ізе Свёнтэк і нечым яе вельмі рассмяшыла, паведамляе WTA.

Гэтымі днямі восем найлепшых тэнісістак свету сабраліся ў Эр-Рыядзе, сталіцы Саудаўскай Аравіі, на выніковы турнір WTA.

Напярэдадні правялі лёсаванне і размеркавалі гульцоў на два квартэты, з якіх у паўфінал выйдуць дзве тэнісісткі з кожнага. Сабаленка пачне турнір матчам супраць кітаянкі Чжэн Цыньвэнь 2 лістапада.

А пакуль тэнісісткі трэніруюцца, асвойваюцца на новым для іх корце і праводзяць спарынгі. Напрыклад, Сабаленка так праверыла сябе ў сустрэчы з Аленай Рыбакінай.

Перасякаючыся на кортах, гульцы маюць зносіны адна з адной. Фатографы WTA зрабілі некалькі забаўных здымкаў стасункаў Арыны Сабаленкі з другой ракеткай свету Ігай Свёнтэк.

Арына нешта паказала Ізе ў сваім тэлефоне. Полька была ўражаная, засмяялася і закрыла твар рукой.

«Проста дзве найлепшыя гульцы ў свеце смяюцца», – так падпісала здымак у сацсетках WTA.

Магчыма, Сабаленка паказала Свёнтэк відэа, знятае на дзень раней. Арыну запрасілі паўдзельнічаць у адным з дзіцячых спартовых мерапрыемстваў.

Там ёй прапанавалі прадэманстраваць свае футбольныя навыкі і патрапіць мячом у пэўную частку футбольнай брамы.

Сабаленка прамахнулася, трапіўшы ў жанчыну-фатографку, якая здымала за брамай. Арына папрасіла прабачэння, ды і фатографка была без прэтэнзій. Усе пасмяяліся з сітуацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com