Еўрапейскія газасховішчы амаль цалкам запоўненыя
- 31.10.2024, 21:12
- 2,804
Перавысілі ўзровень, неабходны для праходжання зімы.
Газавыя сховішчы Еўрапейскага Звязу запоўненыя на 95 адсоткаў, што перавышае ўстаноўлены дзяржавамі-чальцамі мэтавы паказнік. Пра гэта паведаміў афіцыйны прадстаўнік Еўракамісіі Цім Макфі ў чацвер, 31 кастрычніка.
«Гэта дае нам магчымасць захаваць стабільныя пастаўкі і кошты будучай зімой, а таксама падоўжыць адмову ад імпарту расейскага выкапнёвага паліва», – пракаментавала гэтыя звесткі еўракамісарка ў энэргетыцы Кадры Сімсан.
Звесткі асацыяцыі Gas Infrastructure Europe сведчаць, што на стан 29 кастрычніка запоўненасць еўрапейскіх газасховішчаў склала 95,22%. У іх знаходзіцца больш за 100 млрд кубаметраў газу, што пакрывае прыблізна трэць ад гадавых патрэбаў ЕЗ.
Пасля пачатку поўнамаштабнага ўварвання РФ ва Украіну краіны Еўразвязу дамовіліся, што кожны год да 1 лістапада сховішчы газу ў краінах-чальцах ЕЗ павінны быць запоўненыя на 90 адсоткаў.
Europe’s gas storages are 95% full, above the 90% target set by Member States
— Tim McPhie (@TimMcPhieEU) October 31, 2024
As @KadriSimson says:
“This puts us in a strong position to keep supplies and prices stable this winter, and to continue our transition away from Russian fossil fuel imports.” pic.twitter.com/tio0HdaMc9
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
