Польскія лекары дасталі з беларуса кулю, якой у яго стралялі ў 2020-м годзе
4- 4.10.2024, 10:24
- 4,886
У руцэ захрас асколак дробу.
Польскія лекары дасталі з рукі беларускага экс-палітвязня асколак дробу, які быў там з 2020 года, піша MOST.
Ягор Яўстратаў падчас пратэстаў у 2020 годзе быў у групе, якая сапсавала аўто супрацоўніка МУС. Ён быў у закрытым чаце, удзельнікі якога запенілі і размалявалі фарбай аўто міліцыянера. Высветлілася, што гэта была правакацыя, і мужчын чакала засада сілавікоў.
Пры затрыманні Ягора паранілі шротам з помпавай стрэльбы. Пазней ён знайшоў на целе блізу 18 раненняў.
Яўстратава прысудзілі да трох гадоў і двух месяцаў пазбаўлення волі. Пасля адбытага тэрміна мужчына ўцёк у Літву, пераплыўшы памежную раку. Тамака ён папрасіў міжнародную ахову. Літва перадала яго Польшчы ў адпаведнасці з Дублінскім пагадненнем - у беларуса была польская віза.
Сёлета ў канцы жніўня Яўстратаў звярнуўся да лекара ў Беластоку: на параненай пры затрыманні руцэ глыбока пад скурай утварыўся грудок. Хірург абследаваў і прыйшоў да высновы, што там затрымаўся асколак і спатрэбіцца аперацыя.
«Я не верыў і казаў, што гэта малаверагодна. У 2020 годзе пасля затрымання мяне адвезлі ў шпіталь, там апрацавалі раны і зашылі. Я не мог падумаць, што ў мяне застануцца нейкія аскепкі. Але ўсё ж наважыўся на аперацыю. І сапраўды, лекар знайшоў у мяне асколак у выглядзе гумовага шарыка, які не знайшлі ў Беларусі», - распавядае мужчына.
Мяркуюць, што ў Беларусі гэты асколак не знайшлі, таму што тады рука моцна распухла.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
