Столтэнберг расказаў, як NATO перасякала «чырвоныя лініі» Пуціна

Ён кажа, што блеф крамлёўскага кіраўніка раскрылі.

Былы генеральны сакратар NATO Енс Столтэнберг заявіў, што выступаў за перасячэнне расейскіх «чырвоных ліній» датычна вайны ва Украіне.

У інтэрв'ю для Financial Times (пераклад – «Уніян») ён сказаў, што ў пачатку поўнамаштабнай вайны былі дні і тыдні, калі ім даводзілася абмяркоўваць і развязваць пытанні датычна гэтых ліній. Паводле словаў Столтэнберга, неабходна было браць да ўвагі небяспеку, аднак спыняць дапамогу Украіне не было варыянтам:

– Калі ўжо на тое пайшло, то я настойваў на тым, каб перасякаць усе гэтыя так званыя чырвоныя лініі, якія выставіў Пуцін. І мы перасеклі многія з іх, а ён нічога не зрабіў. Рэальнасць такая, што калі прэзідэнт Пуцін хоча пайсці на эскалацыю з ужываннем зброі масавага знішчэння, ён можа стварыць усе неабходныя нагоды. Пакуль што мы раскрылі ягоны блеф.

Як вядома, 65-гадовы Енс Столтэнберг займаў пасаду генеральнага сакратара Паўночнаатлантычнага Альянсу з 2014 года. 1 кастрычніка яго змяніў былы прэм'ер Нідэрландаў Марк Рутэ.

Столтэнберг падтрымліваў удзел Украіны ў NATO, а таксама выказваўся за зняцце забароны на ўдары па Расеі заходняй зброяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com