Лётчык-інструктар растлумачыў, чаму ўсё больш «шахедаў» залятае ў Беларусь

Блізу 20% беспілотнікаў мяняюць траекторыю.

У паветранай прасторы Беларусі ўжо не першы раз з'яўляюцца беспілотнікі. 3 кастрычніка было заўважана некалькі «Шахедаў», у гэты час у небе знаходзіўся гелікаптэр з дыктатарам Лукашэнкам.

Палкоўнік запасу УСУ, лётчык-інструктар, ваенны эксперт Раман Світан у размове з «24 Каналам» зазначыў, што апошнім часам значная колькасць «Шахедаў» вяртаецца ў Расею, дроны ляцяць у розныя бакі, у тым ліку ў Беларусь.

На думку Світана, тое, што беспілотнікі мяняюць курс палёту і, напрыклад, залятаюць у Беларусь, можа быць вынікам працы сродкаў радыёэлектроннай барацьбы.

– Больш верагодна, што гэта наступствы ад украінскіх новых сістэмаў РЭБ. Ёсць даволі механізмаў, як «Шахед» з дапамогай адпаведнага імпульсу пазбавіць сувязі са спадарожнікамі. Пасля гэтага дрон не атрымлівае сігналу дакладнага часу, не можа з трыянгуляцыі вызначыць сваё месца і пераходзіць у гарызантальны палёт, рухаецца так да аднаўлення сувязі па адным курсе, – растлумачыў Світан.

Ваенны эксперт расказаў, што цяпер 15–20% «Шахедаў» менавіта такім чынам страчваюць сувязь і ўрэшце знішчаюцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com