РФ паставіла ў Беларусь больш за 2500 тон боепрыпасаў і дзясяткі адзінак тэхнікі па чыгунцы

За дзевяць месяцаў.

Стала вядома, што за 9 месяцаў гэтага года РФ паставіла ў Беларусь больш за 2500 тон боепрыпасаў, а таксама дзясяткі адзінак рознай вайсковай тэхнікі і камплектуючых. Паводле звестак «Супольнасці чыгуначнікаў Беларусі», найбольш буйныя пастаўкі боепрыпасаў правялі на 2631-ю авіябазу ракетнага ўзбраення і боепрыпасаў (Прудок, Віцебская вобл).

Усяго ў ліпені-жніўні ў Прудок прыбылі 43 вагоны з боепрыпасамі, агульнай масай блізу 1 100 тон. Боепрыпасы туды адпраўляліся з:

- 12-га арсенала захоўвання авіяцыйных сродкаў паражэння ВПС РФ (станцыя Патрыкеева);

- 13-га арсенала Галоўнага ракетна-артылерыйскага ўпраўленне МА РФ (станцыя Котава);

- Аб'яднанага стратэгічнага камандавання ПВА (станцыі Марцава);

- 559-га гвардзейскага бамбавальна-авіяцыйнага палка (станцыя Марозаўская);

- 859-га цэнтра баявога прымянення і перавучвання лётнага складу марской авіяцыі ВМФ РФ (станцыя Ейск);

- АТ «Завод Пластмас» (станцыя Патаніна).

Вядома, што больш за ўсё вагонаў з боепрыпасамі ў Прудок было адпраўлена з 13-га арсенала МА РФ - 25 вагонаў з ракетным узбраеннем.

Акрамя гэтага, эшалоны з боепрыпасамі агульнай масай 1430 тон таксама прыбылі з РФ на беларускія станцыі Бобр (391-я артылерыйская база боепрыпасаў), Стоўбцы (25-ы арсенал ракетна-артылерыйскага ўзбраення) і Цэнтраліт (1393-я база).

Акрамя таго, на працягу 2024 года было і не менш як чатыры пастаўкі з тэхнікай і абсталяваннем вайсковага прызначэння з РФ. Так на станцыю Навабеліцкая прыбыло 6 вагонаў з артылерыйскай тэхнікай, на станцыю Азярышча - 6 вагонаў з аўтамабільнай і 7 вагонаў з гусенічнай тэхнікай, а на станцыю Ліда прыбыло 10 вагонаў з радыёлакацыйным абсталяваннем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com