На фронт прыбылі расейскія вайскоўцы з шаўронамі «Хезбалы»

Яны належаць да групоўкі «Поўнач» на Харкаўскім і Курскім кірунках.

З'явіліся новыя довады хаўрусніцкіх стасункаў паміж Расейскай Федэрацыяй і лібанскай групоўкай «Хезбала», якая ваюе супраць Ізраіля. У ісламісцкіх пабліках на днях былі апублікаваныя кадры вайскоўцаў РФ з шаўронамі баевікоў Лібана.

Увагу на гэта звярнуў украінскі ваенкар Андрэй Цапліенка ў Telegram.

Шаўроны «Хезбалы» начапілі на сябе кадравыя вайскоўцы з групоўкі «Поўнач» УС Расеі. Гэтыя падраздзяленні ўдзельнічаюць у вайне супраць Украіны на Харкаўскім і Курскім кірунках.

Такім учынкам расейскія акупанты вырашылі падтрымаць «Хезбалу» пасля таго, як Армія абароны Ізраіля правяла некалькі паспяховых аперацый, знішчыўшы кіраўніцтва групоўкі і абясшкодзіўшы тысячы баевікоў, падарваўшы іх пэйджары.

«Расейскія тэрарысты начапілі шаўроны з сімволікай «Хезбалы» ў знак салідарнасці з праіранскай групоўкай пасля ліквідацыі яе лідараў. Шмат разоў падчас камандзіровак на Блізкі Усход чуў ад мясцовых, што Расея і «Хезбала» - хаўруснікі. І вось наўпроставы довад», - напісаў Цапліенка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com