Пуцін зрабіў сваю пляменніцу контр-адміралам

Раней яна была прызначаная на пасаду намесніка міністра абароны.

Уладзімір Пуцін у чарговы раз наважыў прасоўваць сваіх сваякоў у палітыцы. Цяпер расейскі кіраўнік узяўся за сваю пляменніцу Ганну Цывілёву, якая атрымала званне контр-адмірала.

Гэтае званне адпавядае чыну сапраўднага дзяржаўнага саветніка 3 класа. Пра гэта пішуць у расСМІ, паведамляе «24 канал».

У чэрвені 2024 года стрыечная пляменніца Пуціна Ганна Цывілёва атрымала пасаду намесніка міністра абароны. Зараз жа расейскі прэзідэнт наважыў зноў дапамагчы сваячцы і прысвоіў ёй новае званне.

Так, статс-сакратарка расейскага мінабароны Цывілёва атрымала чын сапраўднага дзяржаўнага саветніка 3 класа. Ён адпавядае воінскім званням генерал-маёра і контр-адмірала.

Цікава, што Цывілёва раней не мела ніякага чыну і звання. Аднак, для радні Пуціна гэта не праблема, і зараз пляменніца расейскага прэзідэнта - адзіная сярод намеснікаў міністра абароны, у якой няма пагонаў.

Усе астатнія намеснікі міністра абароны маюць чын сапраўднага дзяржаўнага саветніка 1 класа. Такі чын і ў міністра абароны Андрэя Белавусава.

У расСМІ дадаюць, што на сайце мінабароны гаворыцца, што чын 1 класа атрымліваюць цывільныя службоўцы «пасля паспяховага заканчэння выпрабавання». Калі выпрабавання не было, то такі чын даюць аўтаматычна праз 3 месяцы пасля прызначэння. Цывілёву ж прызначылі ў мінабароны Расеі 17 чэрвеня, а статс-сакратаром - 17 жніўня.

Такім хуткім прасоўваннем па кар'ернай лесвіцы пахваліцца можа не кожны намеснік міністра. Як пішуць у расСМІ, міністр сельскай гаспадаркі Вольга Лут была намесніцай міністра ў 2018 годзе, а чын 3 класа атрымала толькі праз 5 гадоў - у 2023. Нават на пасадзе міністра Лут застаецца з чынам 3 класа.

Цікава, што Цывілёва - першая з радні Пуціна, хто атрымаў важную дзяржаўную пасаду. Хоць у біяграфіі хаваецца факт роднасных сувязяў, а ў СМІ раней пісалі пра яе дзявочае прозвішча Логінава, але насамрэч Цывілёва - дачка стрыечнага брата Пуціна - Яўгена Пуціна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com