Ва Украіну едзе армада бронетэхнікі са Швэцыі

170 БТРаў ужо на падыходзе.

Швэцыя перадае Украіне ўсе свае Pbv 302, якія, нягледзячы на свой узрост, па-ранейшаму застаюцца сур'ёзнымі машынамі. У Сетцы з'явілася відэа цэлага эшалона бронетранспарцёраў Pbv 302, якія рыхтуюцца да адпраўкі са Швэцыі ва Украіну.

Некаторыя расчараваныя, называючы іх састарэлай зброяй 1960-х гадоў. Прарасейскія сайты і неспецыялісты распаўсюджваюць дэзінфармацыю. Інфармацыя аб тым, што Швэцыя перадасць Pbv 302 са сваіх запасаў, паступіла яшчэ ў траўні, і гэта з'яўляецца станоўчай навіной, піша ўкраінскі вайсковы эксперт Аляксандр Каваленка.

Pbv 302 - добрая бронемашына, якая перасягае савецкія аналагі, такія як БТР-50П і БМП/БМД-1/2/3. Яна вытрымлівае траплянні 20-мм набояў спераду, у той час як такія набоі прарабляюць скразныя адтуліны ў савецкіх БМП/БМД-1/2/3.

Pbv 302 валодае добрай мабільнасцю, праходнасцю і нізкім ціскам на грунт, што дазваляе ёй дзейнічаць на балоцістай мясцовасці.

Больш за тое, Швэцыя перадае Украіне ўсе свае Pbv 302. У 2024 годзе на захоўванні знаходзілася амаль 170 машын Pbv 302, што дастаткова для поўнага ўкамплектавання 5 брыгад УСУ. Машыны знаходзяцца на захоўванні з 2014 года і захаваліся ў выдатным стане.

«Так, я згодны, што машына маральна састарэлая і не адказвае сучасным выклікам вайны, але ва ўмовах вострага дэфіцыту бронетэхнікі і ані не лепшай, а нават горшай сітуацыі ў супраціўніка, яны вельмі і вельмі нават дарэчы…» - дадае эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com