Стала вядома, дзе будзе перасадачная станцыя першай і чацвёртай ліній менскага метро

Пры перасадцы пасажырам давядзецца прайсці блізу 300 м.

Трэцяя лінія сталічнага метрапалітэна яшчэ будуецца, а праектанты ўжо рыхтуюць планы чацвёртай, колавай, зазначыў Blizko.by.

Горадабудаўнічы праект на сайце "Мінскграда" паказвае на частку тэрыторыі ў межах пр. Дзяржынскага і вул. Уманскай, Чыгуначнай, Сямашкі, дзе плануюць пабудаваць будучую станцыю чацвёртай лініі метро "Праспект Дзяржынскага".

Яна размесціцца на вул. Уманскай насупраць дома па вул. Чыгуначнай, 136. Тут будзе перасадка са станцыі першай лініі "Міхалова".

З наземных чарцяжоў відаць, што адлегласць паміж уваходамі на станцыі "Праспект Дзяржынскага" і "Міхалова" блізу 250 м. Хутчэй за ўсё, пераход паміж станцыямі складзе як мінімум столькі ж ці нават больш - да 300 м, пішуць на беларускім транспартным форуме.

Для параўнання, адлегласць паміж цэнтрамі станцый «Плошча Леніна» і «Вакзальная» складае 350 м. І тут устаноўлены травалатары ў кожным кірунку.

Пакуль чацвёртая лінія сталічнай падземкі яшчэ ў планах, менчукі чакаюць увядзення станцый трэцяй галінкі. Нагадаем, "Аэрадромную", "Немаршанскі Сад" і "Слуцкі Гасцінец" улады абяцалі здаць яшчэ ў 2024 годзе.

Яны ўваходзяць у склад трэцяй лініі сталічнага метро – Зеленалужскай лініі. На схеме метрапалітэна яна абазначана зялёным колерам. Цяпер на галінцы функцыянуюць чатыры станцыі: "Кавальская Слабада", "Вакзальная", "Плошча Францішка Багушэвіча" і "Юбілейная плошча".

Плануецца, што Зеленалужская лінія будзе налічваць 14 станцый, а агульная яе працягласць складзе блізу 16 км.

Цяпер рыхтуецца тэрыторыя пад працяг лініі ў бок Зялёнага Луга - для станцый метро "Прафсаюзная", "Пярэспа", "Камароўская" і "Парк Дружбы народаў".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com