Стала вядома, колькі грамадзян Беларусі рэпатрыявалася ў Ізраіль

Лічба за год.

Беларусь стала шостай краінай паводле колькасці грамадзян, якія пераехалі ў Ізраіль з 16 верасня 2023 года да 19 верасня 2024 года паводле праграмы рэпатрыяцыі. Такія звесткі змяшчаюцца ў супольнай справаздачы Міністэрства рэпатрыяцыі і інтэграцыі Ізраіля і Яўрэйскага агенцтва (Сохнут), паведамляе ізраільскае выданне «Вести».

Усяго ў Ізраіль за гэты перыяд пераехала 31 тысяча чалавек амаль са 100 краін свету, гаворыцца ў дакуменце.

Больш за ўсё рэпатрыянтаў прыбыло з Расеі - 19850, далей ідуць ЗША і Канада – 3 340 агулам, Францыя - 1820, Украіна - 980, Беларусь - 795, Вялікабрытанія - 560, Аргентына - 450, Грузія - 320, ПАР - 250.

31% рэпатрыянтаў складаюць людзі ва ўзросце 18-35 гадоў, 21% - 36-50, 20% - 0-17, 13% - 51-60, 5% - 61-65, астатнія - старэйшыя за 65 гадоў. 52% рэпатрыянтаў - жаночага полу, 48% - мужчынскага.

У справаздачы зазначаецца, што гэтая хваля рэпатрыяцыі прайшла на фоне абвастрэння сітуацыі ў рэгіёне, выкліканага атакай групоўкі ХАМАС на Ізраіль 7 кастрычніка 2023 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com