У маляўнічым месцы пад Менскам прадаецца гатовае месца для загараднага жыцця

З выдатным інтэр'ерам, мэбляй, бытавой тэхнікай і саўнай.

За 20 кіламетраў ад Менска, у маляўнічым месцы каля лесу, прадаецца гатовае месца для загараднага жыцця: з выдатным інтэр'ерам, мэбляй, бытавой тэхнікай і саўнай. Ацяпленне электрычнае, але паводле льготнага тарыфу, пляц - з ландшафтным дызайнам. Ёсць магчымасць зрабіць другі паверх - засталося скончыць аздабленне, піша Realt.

Размешчаны гэты аб'ект у Смалявіцкім раёне, побач са з'ездам са хуткаснай трасы М1. Адлегласць да Менска — 20 кіламетраў. Вёска Старына невялікая і ціхая, з двух бакоў яе атачае лес.

Дом пабудаваны ў 2021 годзе паводле сучаснага архітэктурнага праекту. Сцены з блокаў, на ўцепленым даху з мансарднымі вокнамі - чорная металадахоўка. Аздабленне фасада камбінаванае - дэкаратыўная тынкоўка ў белым колеры са ўстаўкамі з дрэва цёмна-карычневага колеру.

Агульная плошча 113 квадратаў. Унутры знаходзім вялікую гасцёўню з мінімалістычным камінам і выхадам на тэрасу. Гэтая частка дома аб'яднана з кухоннай і сталовай зонамі. У складзе памяшканняў дзве спальні (адна з іх уласнай ваннай), санвузел з саўнай, хол і ацяпляльня.

Другі паверх таксама можна задзейнічаць: там запраектаваны тры пакоі і санвузел. Вада, ацяпленне і цёплая падлога там ужо разведзеныя. Будаўнічыя матэрыялы для столі і перагародак на другім паверсе ёсць.

Ва ўнутраным аздабленні першага паверха пераважаюць спакойныя, натуральныя адценні і ўстойлівыя ў эксплуатацыі матэрыялы, інтэр'ер сучасны, стыльны.

Кухня ўкамплектаваная ўсёй неабходнай бытавой тэхнікай: варачная паверхня, лядоўня, духоўка, магутная выцяжка і пасудамыйка.

На падлогах у холе, гасцёўні і санвузлах - італьянскі керамаграніт з воднай сістэмай падагрэву, у спальнях - паркетная дошка Сoswic.

Ацяпленне электрычнае (льготным тарыфам), з магчымасцю праграмавання і выдаленага кіравання праз смартфон. Водаправод цэнтральны, каналізацыя мясцовая.

Пляц 14 сотак, з ландшафтным дызайнам, вулічнымі ліхтарамі і відэаназіраннем. Тэрыторыя абгароджаная, на ўездзе стаяць адкатная брама.

Кошт гэтага дома - 270 000 даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com