Кіраўніца Мінсельгаса РФ заклікала ставіць свечкі дзеля выратавання ўраджаю

І маліцца прароку Іллі.

Пасля таго, як майскія прымаразкі прывялі да страты РФ амаль 20 млн тон ураджаю збожжа, краіна-агрэсарка сутыкнулася яшчэ і з небывалай засухай, піша New Voice.

У сувязі з гэтым адразу ў пяці расейскіх рэгіёнах (Забайкалле, Варонежская, Растоўская, Арлоўская і Бранская вобласці) былі вымушаны абвясціць рэжым надзвычайнай сітуацыі.

Са слоў міністаркі сельскай гаспадаркі РФ Аксаны Лут, цяпер на названых тэрыторыях даводзіцца сеяць «практычна ў пясок».

«Спачатку ў нас былі замаразкі, потым з красавіка пачалася засуха. Сібір у нас заліло… І саранча наляцела, а яшчэ апошнім тыднем на поўдні быў пясок (пясчаныя буры)», — апраўдваецца чыноўніца.

Пры гэтым адзіным выхадам з сітуацыі Лут бачыць «малітву прароку Іллі», які ў расейцаў лічыцца «апекуном грому, дажджу і ўраджаю».

«Вельмі трэба ісці ў царкву і ставіць свечку Іллі за тое, каб пайшоў дождж. Усіх заклікаю», - падзялілася кіраўніца Мінсельгаса РФ сваім геніяльным планам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com