Закрыты прыватны ўніверсітэт у цэнтры Менска выставілі на продаж

Чым скончыўся аўкцыён?

Адну са старэйшых прыватных ВНУ «БІП — Універсітэт права і сацыяльна-інфармацыйных тэхналогій», пра закрыццё якой стала вядома сёлета, выставілі на продаж. Аднак, мяркуючы са звестак пляцоўкі «ІПМ-Таргі», аўкцыён прайшоў «ухаластую»: заявак на лот пачатковым коштам 870 тысяч даляраў не было, піша «Зеркало».

Пераможца аўкцыёну, які адбыўся 8 кастрычніка, так і не выяўлены - бо ніводзін удзельнік на яго не заявіўся. Ці будуць абвешчаныя новыя таргі і ці знізяць на лот кошт - пакуль невядома.

Нагадаем, на аўкцыён быў выстаўлены будынак былой ВНУ «БІП — Універсітэт права і сацыяльна-інфармацыйных тэхналогій» на вуліцы Замкавай, 33 у Ракаўскім прадмесці — у самым цэнтры Менска. У аб'яве ён фігуруе як пяціпавярховае «памяшканне адукацыйнага, выхаваўчага і навуковага прызначэння» плошчай 817,1 кв. метра.

Стартавая цана складала 870 000 даляраў, а выніковая сума з улікам усіх даплат нават у выпадку куплі мінімальным коштам перавысіла б 900 тысяч даляраў.

Аб закрыцці прыватнай ВНУ «БІП - Універсітэт права і сацыяльных тэхналогій», адной з найстарэйшых у Беларусі, стала вядома ў сярэдзіне чэрвеня. У сакратарыяце рэктара “Зеркалу” паведамілі, што такой была пастанова заснавальнікаў. Студэнтаў пастанавілі перавесці ў іншыя ВНУ.

Усяго праз некалькі дзён з'явілася інфармацыя аб закрыцці яшчэ адной камерцыйнай ВНУ - Інстытута прадпрымальніцкай дзейнасці (ІПД). Акрамя таго, у Інстытуце парламентарызму і прадпрымальніцтва заявілі, што не будуць набіраць першакурснікаў, астатнія студэнты прадоўжаць вучобу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com