У Польшчы стварылі парфуму з водарам бульбы

Флакончык будзе каштаваць 550 беларускіх рублёў.

Польскі парфумны брэнд Bohoboco пачаў продаж новага водару з «сардэчнай нотай» бульбы. За флакончык Polish Potatoes аб'ёмам 50 мл вытворца просіць 665 злотых (больш за 550 беларускіх рублёў). Пробнік на 2 мл абыдзецца на 30 злотых (амаль 25 рублёў), піша «Зялёны партал».

На задумку стваральніка водару, Polish Potatoes – гэта «падарожжа ў дзіцячыя ўражанні з атмасферай шумнага рынку».

«У сэрцы кампазіцыі пульсуюць ноты высакароднай бульбы, ружы, геліятропу і гваздзіка, якія выказваюць прыгажосць рынкавых рытуалаў. Польская бульба надае гэтай кампазіцыі багаты характар, спалучаючы зямлістасць з выразнай саладосцю, аддаючы даніну павагі зямлі, якая з'яўляецца пачаткам усяго», – гаворыцца ў апісанні да новага водару на сайце польскага брэнду.

У пачатковых нотах гучаць пахі скуры, травы, пшаніцы, буракоў. У базавых – пачулі, амбра, ваніль, мёд, а таксама сена, бяроза, зямля.

Мяркуючы з каментароў інтэрнэт-карыстальнікаў на афіцыйнай старонцы польскага брэнду ў інстаграме, «польская бульба» выклікала цікавасць у публікі, якая называе такое смакавае спалучэнне «ўнікальным і цікавым».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com