Літоўская каманда ў пляжным футболе адмовілася гуляць з беларусамі

Кіраўнік федэрацыі балтыйскай краіны заявіў, што «каштоўнасці важнейшыя за спорт».

Літоўская каманда ў пляжным футболе адмовілася гуляць з камандай Беларусі ў плэй-оф адборачнага этапу чэмпіянату свету ў гэтай дысцыпліне, які праходзіць у Гішпаніі.

Пастанова была прынятая Федэрацыяй футбола Літвы супольна з камандай. Як паведамілі ў ЛФФ, літоўскія футбалісты выйшлі ў наступны этап спаборніцтваў з трэцяга месца ў групе. У аўторак было праведзена лёсаванне плэй-оф, па выніках якога каманда Літвы павінна была згуляць з камандай нашай краіны ў сераду.

«Засмучае, што нашы гульцы ў пляжны футбол не змогуць пазмагацца за наступны раўнд адбору і праверыць свае сілы з элітай спорту, але каштоўнасці ў гэтым выпадку застаюцца вышэйшымі за спорт. Мы абмеркавалі гэту пастанову з прадстаўнікамі каманды і пагадзіліся, што такі крок з нашага боку яшчэ раз належным чынам прадэманструе нашу пазіцыю ў гэтым пытанні», - заявіў прэзідэнт Федэрацыі футбола Літвы Эдгарас Станкявічус.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com