Камала Гарыс выпіла піва ў тэлеэфіры і назвала Дональда Трампа «няўдачнікам»
9- 9.10.2024, 12:43
- 6,520
Віцэ-прэзідэнтка ЗША патлумачыла, на чым заснавана ейная заява.
Кандыдатка ў прэзідэнты ЗША ад дэмакратаў Камала Гарыс прыгубіла піва з бляшанкі і раскрытыкавала свайго апанента ад рэспубліканцаў Дональда Трампа ў эфіры перадачы The Late Show with Stephen Colbert на канале CBS.
Вядучы Стывен Кольбер запрасіў Гарыс выпіць з ім па бляшанцы піва Miller High Life. Кандыдатка ад дэмакратаў з радасцю прыняла запрашэнне, адкрыла бляшанку і прыгубіла пеністага напою.
Затым Кольбер спытаў у Гарыс наконт таго, ці сапраўды Дональд Трамп саступіў на выбарах прэзідэнта ЗША ў 2020 годзе.
«Я вам скажу, што некаторыя з людзей, якія прыходзяць на мае мітынгі, - дарэчы, іх прыходзіць даволі шмат. Ведаеце, калі вы саступілі, вы страцілі мільёны працоўных месцаў, вы страцілі вытворчасць, вы страцілі аўтамабільныя заводы, вы саступілі на выбарах. Кім гэта вас робіць? Няўдачнікам», - сказала яна.
Затым Гарыс засмяялася над уласнай фразай і пажартавала: «Вось што адбываецца, калі я п'ю!».
Нагадаем, 8 кастрычніка былі апублікаваны вынікі апытання жыхароў ЗША, якое правяло агенцтва Reuters супольна з маркетынгава-даследчай кампаніяй Ipsos.
Паводле вынікаў апытання, Камала Гарыс апярэджвае Дональда Трампа ў апытаннях з нязначным адрывам - 46% супраць 43%.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
