Украіна і Харватыя падпісалі пагадненне аб бяспецы

Пра што дамовіліся.

Украіна і Харватыя ўклалі пагадненне аб доўгатэрміновай падтрымцы і супрацоўніцтве. Яго падпісалі прэзідэнт Украіны Уладзімір Зяленскі і прэм'ер Харватыі Андрэй Плянкавіч.

Пра гэта паведамляе РБК-Украіна са спасылкай на Офіс Зяленскага.

Пагадненне з Харватыяй, як і іншыя пагадненні аб бяспецы Украіны, будзе дзейнічаць цягам 10 гадоў. Гэтым пагадненнем Харватыя замацоўвае свой абавязак падтрымліваць Украіну да перамогі ў вайне.

Сярод іншага размова ідзе аб супрацоўніцтве паміж абаронна-прамысловымі комплексамі дзвюх краін, перспектывах супольнай абароннай вытворчасці і лакалізацыі праектаў ва Украіне. Краіны таксама будуць вывучаць магчымасці ўмацавання ўзаемадзеяння ў сферы лічбавай устойлівасці і кібербяспекі і абменьвацца выведвальнымі звесткамі.

Важна таксама гуманітарнае размінаванне. Харватыя выдзеліла на гэты кірунак ужо больш за 10 млн еўраў, працягне перадаваць абсталяванне і дзяліцца ведамі.

У пагадненні гаворыцца таксама аб сферах супрацьміннай дзейнасці, доглядзе за ветэранамі і судовым пераследзе за цяжкія злачынствы, бо Харватыя мае свой досвед, звязаны з вайной.

Таксама ў пагадненні змяшчаюцца пункты, якія датычацца дапамогі ў гуманітарнай, энэргетычнай, прававой і навуковай сферах. Акрамя таго, Харватыя будзе садзейнічаць прыцягненню Расеі да адказнасці, кампенсацыі шкоды, прычыненай агрэсіяй, і будзе садзейнічаць санкцыйнаму ціску. Харватыя абавязваецца падтрымліваць уступленне Украіны ў ЕЗ і НАТА.

Нагадаем, што Харватыя дапамагае Украіне ад пачатку расейскай агрэсіі ў 2014 годзе. Агульная сума дапамогі з лютага 2022 года складае амаль 300 млн еўраў, краіна перадала 11 абаронных пакетаў.

Варта дадаць, што Украіна ўжо падпісала пагадненні аб бяспецы з больш як 20 краінамі, сярод якіх ЗША, Вялікая Брытанія, Нямеччына, Францыя, Нідэрланды і іншыя еўрапейскія дзяржавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com