Новы прэм'ер Японіі распусціў парламент

Выбары прызначаныя на 27 кастрычніка.

Новы прэм'ер-міністр Японіі Сігэру Ісіба распусціў ніжнюю палату парламента. Датэрміновыя выбары пройдуць 27 кастрычніка. Пра гэта паведамляе агенцтва «Кіёда Цусін».

Роспуск палаты - канстытуцыйнае права кіраўніка ўрада. Ён скарыстаўся ім праз восем дзён пасля ўступлення на пасаду. Так хутка ў пасляваеннай Японіі парламент яшчэ не распускалі, зазначае агенцтва.

На сустрэчы з лідарамі парламенцкай апазіцыі Ісіба патлумачыў пастанову жаданнем атрымаць наўпроставую адзнаку ад выбарцаў. Апазіцыя абвінаваціла яго ў спробе адцягнуць увагу ад скандалу з нямэтавым выдаткоўваннем сродкаў вакол кіроўнай Ліберальна-дэмакратычнай партыі, які прывёў да адстаўкі папярэдняга прэм'ер-міністра.

У распушчаным парламенце Ліберальна-дэмакратычная партыя кантралявала 256 месцаў з 465. Яшчэ 32 крэслы належаць яе хаўрусніку па кіроўнай кааліцыі, правацэнтрысцкай Партыі чыстай палітыкі («Камэйта»).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com