Пад Навагрудкам работнік загінуў пад абрынутай сцяной кароўніка

Прычынай стаў МАЗ, які паехаў без кіроўцы.

У Навагрудскім раёне на ферме загінуў работнік сельгаспрадпрыемства, які латаў ямы асфальтам, паведамілі ў Следчым камітэце. Цяпер расследуюць справу аб прычыненні смерці па неасцярожнасці.

Удзень, 27 верасня, на адным з сельскагаспадарчых прадпрыемстваў раёна працаўнікі займаліся ямачным рамонтам у кароўніку. Адзін знаходзіўся ў кузаве грузавіка МАЗ, адкуль скідаў асфальт. У нейкі момант самазвал паехаў наперад - у кабіне нікога не было. Ён рэзнуўся бортам у кароўнік, і частка сцяны будынка абрынулася.

«Элементамі канструкцый разбуранай сцяны 52-гадоваму работніку, які знаходзіўся ў кузаве транспартнага сродку, прычыненыя цялесныя пашкоджанні. Калегі неадкладна выклікалі хуткую дапамогу. Аднак праведзеныя рэанімацыйныя мерапрыемствы не выратавалі мужчыну. Ад атрыманых цялесных пашкоджанняў ён памёр на месцы», - распавялі ў СК.

Як высветлілася, МАЗ стаяў на другой перадачы, а ручнік стаяначнага тормазу не быў зацягнуты. Дапытаныя сведкі, сярод якіх і відавочцы трагедыі. Тыя расказалі, што пасля таго, як аўтамабіль пакаціўся, ён рухаўся рыўкамі. Яшчэ будуць праводзіцца экспертызы і правярацца дакументы.

У дачыненні да 50-гадовага кіроўцы распачатая крымінальная справа на падставе ч.1 арт.144 КК (Прычыненне смерці па неасцярожнасці). Мужчыну пагражае да трох гадоў пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com