Мужчыны часцей за жанчынаў заводзяць катоў

Даследаванне.

Паводле вынікаў апытання кампаніі Mars, больш як палова (56%) з 20000 рэспандэнтаў з 20 краінаў свету з'яўляецца ўладальнікамі дамашніх любімцаў, а 47% з іх – упершыню. Катоў трымаюць часцей, чым сабак, да таго ж сярод уладальнікаў больш мужчынаў (52%), чым жанчынаў (48%).

19% катоў і 18% сабак людзі бяруць ад сяброў і сваякоў. А чыннікі, якія ўплываюць на пастанову завесці жывёлу: сям'я (26%), сябры (21%), сацыяльныя сеткі (13%), анлайн-пошук (13%) і парады ветэрынарных лекараў (11%).

Тэндэнцыі і перавагі гаспадароў:

84% сабак і катоў забіраюць у сям'ю ва ўзросце да 12 месяцаў. Аднак пажылыя людзі (60+ гадоў) аддаюць перавагу жывёлам, старэйшым за 7 гадоў;

самыя распаўсюджаныя пароды сабак у свеце: лабрадор (6%), чыхуахуа (6%) і залацісты рэтрывер (5%);

самыя распаўсюджаныя пароды катоў у свеце: персідскі (16%), брытанскі караткапоўсцевы (11%) і сіямскі (9%).

Вынікі таксама кажуць пра пачатак эры павышанай увагі да патрэбаў гадаванцаў, дзе эмацыйная сувязь паміж уладальнікам і жывёлай мацнейшая, чым калі-небудзь. 37% уважаюць жывёлу за найважнейшы аспект свайго жыцця. Гэты паказнік яшчэ вышэйшы сярод пакалення Z (45%) і міленіялаў (40%).

Гаспадары сабак больш за ўсё шануюць:

безумоўную любоў (50%);

адчуванне паўнавартаснай сям'і (49%).

Гаспадары катоў больш за ўсё шануюць:

забаўлянне (48%);

зняцце стрэсу (44%).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com