Лукашэнка змог выпрасіць у Пуціна $300 мільёнаў

Крэдыт пойдзе на пакрыццё часткі дэфіцыту дзяржаўнага бюджэту.

Аляксандр Лукашэнка, які наведаў у сераду Маскву, вернецца ў Менск з новым расейскім крэдытам.

Ягоны памер складзе блізу 1 млрд беларускіх рублёў ($300 млн), паведаміў міністр фінансаў рэспублікі Юры Селіверстаў.

Паводле ягоных словаў, гэтымі грашыма Менск пакрые частку дэфіцыту дзяржаўнага бюджэту, які ацэньваецца на 4,5 млрд беларускіх рублёў у 2025 годзе. «Практычна мільярд рублёў – гэта будзе знешняе ўліццё», – сказаў Сіліверстаў.

Беларусь ужо з'яўляецца найбуйнейшай з пазычальніцаў Расеі: паводле звестак Сусветнага банка яе запазычанасць складае $8,2 млрд, а яшчэ $2,4 млрд пазык Менск назбіраў перад Еўразійскім банкам развіцця (ЕАБР), які на 90% напоўнены расейскім капіталам.

У снежні летась Пуцін падпісаў закон, які дазваляе рэжыму Лукашэнкі перанесці на 2029–2034 гады выплаты ў крэдытах, якія Беларусь атрымлівала ў 2023 годзе. Гаворка ідзе пра прыкладна 105 млрд рублёў ($1,1 млрд паводле цяперашняга курсу), якія вылучаліся на «развіццё высокатэхналагічных вытворчасцяў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com