Чаго напраўду хоча Пуцін?

Амерыканскія аналітыкі раскрылі планы Крамля.

Расейскі дыктатар Уладзімір Пуцін не зацікаўлены ў перамовах аб спыненні вайны, бо імкнецца цалкам знішчыць Украінскую дзяржаву. Пра гэта паведамляецца ў справаздачы амерыканскага "Інстытута вывучэння вайны" (ISW).

“Пуцін працягвае даваць зразумець, што ён не зацікаўлены ў спыненні агню шляхам перамоў і імкнецца дасягнуць сваёй мэты - знішчыць ўкраінскую дзяржаўнасць”, - гаворыцца ў паведамленні.

Так аналітыкі пракаментавалі паведамленне аб тым, што прэзідэнт Сербіі Аляксандр Вучыч падчас размовы з Пуціным узняў тэму спынення агню ва Украіне, на што Пуцін адказаў, што Расея выканае ўсе мэты сваёй "СВА" ва Украіне.

У ISW таксама нагадалі, што расейскі дыктатар падчас прэс-канферэнцыі з прэм'ер-міністрам Вугоршчыны Віктарам Орбанам адкрыта адпрэчыў усялякае спыненне агню шляхам перамоў.

"Спыненне агню шляхам перамоў на цяперашніх лініях і пры цяперашніх абставінах пойдзе толькі на карысць Расеі і дасць Крамлю час для далейшай радыкалізацыі і мілітарызацыі расейскага грамадства супраць Украіны, а расейскім вайскоўцам - час на адпачынак і аднаўленне, магчыма, перад ажыццяўленнем будучага наступу на Украіну" , - заявілі ў ISW.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com