Больш за 100 «Шахедаў» зайшло ў Беларусь з ліпеня

Іх колькасць расце.

Сёння ўначы мы перасеклі ўмоўную мяжу 100 «Шахедаў», якія заляцелі ў Беларусь з 11 ліпеня.

100-м стаў дрон, які заляцеў сёння а 00:41, а ўсяго на гэты момант з ліпеня ў паветраную прастору Беларусі зайшлі як мінімум 106 шахедаў, 1 робат тыпу Supercam і 1 «Арлан», піша «Беларускі Гаюн».

За гэтыя 3,5 месяцы мы штодня назіраем экспанентны рост гэтых заходаў, гледзіце самі:

- ліпень - 9 штук

- жнівень - 12

- верасень - 27

- кастрычнік - 49.

І ўжо 9 штук заляцела ў лістападзе.

Акрамя гэтага, за час назірання пацверджана, што на тэрыторыі Беларусі было збіта/упала 6 «Шахедаў» (і яшчэ адзін упаў у Латвіі, праляцеўшы ≈500 км праз Беларусь).

Колькасць жа тых, якія былі лакацыйна страчаныя, ужо дасягнула 28 штук — гэта ў сваю чаргу значыць, што проста зараз недзе ў Беларусі могуць валяцца дзясяткі раздробленых дронаў.

І ёсць усе падставы меркаваць, што заходы «Шахедаў» у паветраную прастору Беларусі будуць не толькі працягвацца, але і іх частата будзе расці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com