У Латвіі замарожаныя €80 млн актываў, звязаных з Беларуссю і РФ

У тым ліку 102 аб'екты нерухомасці і 80 транспартных сродкаў.

У Латвіі замарожаны актывы 147 асоб, якія трапілі пад санкцыі, устаноўленыя супраць Расеі і Беларусі, паведаміў у інтэрв'ю намеснік начальніка Службы фінансавай выведкі (СФВ) Паўліс Ільянкоў.

У тым ліку замарожаныя 102 аб'екты нерухомасці і 80 транспартных сродкаў, якія проста або ўскосна належаць асобам, якія трапілі пад санкцыі. Акрамя таго, замарожаныя 53,3 мільёны еўраў на банкаўскіх рахунках, а таксама акцыі.

Ільянкоў прызнаў, што кошт акцый нестабільны, але, паводле ацэнак, агульны кошт замарожаных у банках актываў - як сродкаў на рахунках, так і каштоўных папер - перавышае 80 мільёнаў еўраў.

Ільянкоў таксама зняпраўдзіў апублікаваную некаторы час таму «The Insider» інфармацыю аб тым, што алігархі і расейскія вайскоўцы абыходзяць санкцыі праз Латвію.

«Мы паставіліся да гэтага вельмі сур'ёзна і падрабязна вывучылі, бо абвінавачанне вельмі жорсткае», - сказаў Ільянкоў.

Ён адзначыў, што ў артыкуле згадваецца агулам 60 чалавек, але толькі 15 з іх знаходзяцца ў санкцыйных спісах, а ў траіх ёсць актывы ў Латвіі, якія замарожаныя.

«На наш погляд, артыкул быў прадузятым і не заснаваным на фактах. Варта адзначыць, што да нас ніхто не звяртаўся з просьбай праверыць гэтую інфармацыю», - сказаў Ільянкоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com