У Беларусі змянілі графік руху цягнікоў

Некаторыя і зусім скасавалі.

Беларуская чыгунка (БелЧ) паведаміла пра часовыя змены ў раскладзе руху некаторых цягнікоў. З 13 да 14 лістапада часова зменіцца расклад руху некаторых цягнікоў на адрэзку Менск – Асіповічы.

Напрыклад, 12 лістапада цягнік № 621 Гомель – Менск, які выпраўляецца з Гомеля ў 22.05, будзе рухацца паводле змененага маршруту і раскладу ад станцыі Жлобін праз Магілёў і Оршу, прыбываючы ў Менск у 09.34 (замест 05.41).

13 лістапада цягнік № 631/632 Гомель – Гародня, які выпраўляецца са станцыі Гомель, пройдзе праз Асіповічы, Слуцк і Баранавічы-Палескія.

Цягнік № 744/745 Магілёў – Менск – Магілёў будзе рухацца праз станцыю Орша-Цэнтральная з адпраўленнем са станцыі Магілёў-1 у 07.20 і прыбыццём на станцыю Менск-Пасажырскі ў 10.49. У зваротным кірунку цягнік нумар 744 Менск – Магілёў выправіцца са станцыі Менск-Пасажырскі ў 16.50, прыбываючы на станцыю Магілёў-1 у 20.10.

Прызначаны цягнік нумар 641/642 Гомель – Менск – Гомель з выпраўленнем з Гомеля 13 лістапада ў 06.59 і прыбыццём у Менск у 14.12. Назад цягнік рушыць у той самы дзень з Менска ў 16.15, прыбыўшы ў Гомель у 23.55. Цягнік будзе рухацца праз станцыю Орша-Цэнтральная (без прыпынкаў для высадкі і пасадкі пасажыраў на прамежкавых станцыях).

Некаторыя цягнікі міжрэгіянальных і рэгіянальных ліній бізнэс-класу, якія едуць па маршрутах Менск – Гомель і Менск – Калінкавічы – Мазыр, будуць рухацца толькі да станцыі Асіповічы-1. Некаторыя цягнікі, у тым ліку маршрут Менск – Магілёў, будуць скасаваныя.

13 лістапада на адрэзку Менск – Асіповічы цягнікі рэгіянальных ліній эканомкласу будуць курсіраваць у зносінах Менск – Пухавічы і Талька – Асіповічы (замест Менск – Асіповічы). Для перавозкі пасажыраў паміж станцыямі Талька і Пухавічы будуць арганізаваныя аўтобусныя зносіны з чыгуначнымі квіткамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com