У былога намесніка Шайгу знайшлі шыкоўную кватэру ў Маскве

Яна арыштаваная.

Паводле справы былога намесніка міністра абароны РФ Цімура Іванова арыштавалі элітную кватэру ў цэнтры Масквы плошчай звыш 300 кв. м і рынкавым коштам больш за 500 млн расейскіх рублёў.

Са звестак агенцтва, кватэра знаходзіцца ў раёне Арбата. На гэты момант у ёй зарэгістраваная былая жонка Іванова Святлана.

Да гэтага ў справе Іванова ўжо былі арыштаваныя дзясяткі рахункаў і банкаўскіх укладаў, а таксама нерухомая (два нежылыя памяшканні ў асабняку ў цэнтры Масквы агульнай плошчай блізу 1 тыс. кв. м) і рухомая маёмасць мінівэн Mercedes-Benz V-класа (якія належаць былому чыноўніку), пазадарожнік Chevrolet Suburban і спартовы матацыкл MV Agusta).

Іванова затрымалі і арыштавалі ў красавіку. Яго абвінавачваюць у ч. 6 арт. 290 КК (атрыманне хабару ў асабліва буйным памеры), які прадугледжвае да 15 гадоў пазбаўлення волі. Следства мяркуе, што намеснік міністра заступаўся за шэраг фірмаў, каб ім даставаліся выгадныя дзяржаўныя кантракты ад Мінабароны, а тыя наўзамен бязвыплатна будавалі і рэстаўравалі нерухомасць, якая належала Іванову і ягонай сям'і. Сума атрыманага такім чынам хабару склала 1,185 млрд руб.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com