Навукоўцы выявілі, што ўсе ўладальнікі сабак падзяляюцца на тры катэгорыі

Даследнікі апыталі сотні ўладальнікаў сабак.

У культуры ўладальнікі сабак уважаюць гэтых свойскіх жывёлаў за сваіх найлепшых сяброў, чальцоў сям'і ці нават «кудлатых дзяцей». Аднак даследнікі з Універсітэта Этвеша Лоранда апыталі 800 уладальнікаў сабак і выявілі, што іх можна падзяліць на тры асобныя катэгорыі, піша Daily Mail (пераклад – «Фокус»).

«Цікава, што хоць мы і збіралі звесткі з анлайн-групаў, прысвечаных дамашнім сабакам, іх уладальнікі былі рознымі», – растлумачыла Лора Джылет, асноўная аўтарка даследавання.

Так, некаторыя ўладальнікі сабак адносяцца да катэгорыі «прыязных калегаў». Яны схільныя бачыць у сваіх гадаванцах калег і ахоўнікаў, але пры гэтым адчуваюць моцную эмацыйную сувязь. Такія ўладальнікі звычайна трымаюць бордар-колі, бельгійскіх аўчарак або нямецкіх аўчарак.

Іншая катэгорыя, так званыя «бацькі сабак», маюць цесную сувязь з жывёламі. Яны не бачаць у сваіх гадаванцах практычных функцый. Звычайна гэта гаспадары такіх пародаў, як выжла, баксёр ці такса.

«Кампан'ёны», яшчэ адна катэгорыя ўладальнікаў сабак, трымаюць іх пераважна для зносінаў. Аднак гэтаму тыпу ўдаецца захоўваць з гадаванцамі эмацыйную дыстанцыю. Звычайна гэта ўладальнікі мудзі, ангельскіх кокер-спаніэляў ці лабрадораў-рэтрывераў.

У цэлым вынікі даследаванняў паказалі, што амаль усім апытаным уладальнікам сапраўды падабаецца фізічны кантакт са сваім сабакам (97,6%), «безумоўная любоў», якую ім дорыць жывёліна (93,7%), а таксама выгляд і прыгажосць свайго гадаванца (88,4%). Аднак блізу чвэрці апытаных уладальнікаў не атрымалі ніякай карысці ад сацыяльнага ўзаемадзеяння, якое забяспечваў іх гадаванец, а вось 36,3% яно вельмі спадабалася.

Даследнікі спадзяюцца, што вынікі іх працы натхняць на далейшыя даследаванні складаных узаемаадносінаў паміж людзьмі і іх сабакамі.

«Нягледзячы на агульную тэндэнцыю, што назіраецца ў заходніх краінах, дзе сабакі ўсё больш успрымаюцца як чальцы сям'і, якія забяспечваюць безумоўную любоў і падтрымку, гэтае даследаванне падкрэслівае, што не ўсе ўладальнікі сабак аднолькавыя, нават у выбарцы, зацікаўленай у вывучэнні паводзінаў сабак», – пішуць навукоўцы ў сваім даследаванні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com